ҚОСТАНАЙ ОБЛЫСЫНДАҒЫ ЖАСТАР КӨШІ-ҚОНЫ: ҒЫЛЫМИ ЗЕРТТЕУЛЕРГЕ ШОЛУ ЖӘНЕ МӘСЕЛЕНІҢ ЗЕРТТЕЛУ ДӘРЕЖЕСІ

Abstract

Мақалада Қостанай облысындағы жастар көші-қонының ғылыми әдебиеттерде зерттелу дәрежесіне шолу жасалып, осы мәселенің Қазақстандағы зерттелу бағыттары жүйеленеді. Зерттеудің өзектілігі жастардың халықтың ең мобильді әлеуметтік-демографиялық топтарының бірі болуымен, ал олардың аумақтық орын ауыстыруы халық санының өзгеруімен, еңбек ресурстарының қалыптасуымен, адами капиталдың ұдайы өндірілуімен, білім беру жүйесінің дамуымен және аумақтардың кеңістіктік ұйымдастырылуымен тікелей байланысты болуымен айқындалады. Қостанай облысына арналған еңбектерде көші-қон негізінен демографиялық өзгерістер, еңбек ресурстары, адами капитал және аумақтық қозғалыс тұрғысынан қарастырылған. Ал Қазақстан деңгейіндегі зерттеулерде жастардың ішкі және сыртқы көші-қоны, білім беру және еңбек мобильділігі, эмиграциялық ұстанымдары, көші-қон ниеттері мен әлеуметтік бейімделуі арнайы зерттеледі. Нәтижесінде Қостанай облысында жастар көші-қонының жас құрылымы мен жалпы кеңістіктік сипаты зерттелгенімен, жастардың көші-қон ниеттері, мотивтері, білім беру және еңбек траекториялары, сондай-ақ қала мен ауыл жастарының айырмашылықтары жеткілікті деңгейде зерттелмегені анықталды. Бұл Қостанай облысындағы жастар көшіқонын кешенді әлеуметтік-географиялық тұрғыдан зерделеу қажеттігін негіздейді.