13-15 ЖАСТАҒЫ МЕКТЕП ОҚУШЫЛАРЫНЫҢ ТӨЗІМДІЛІГІ МЕН ЖЫЛДАМДЫҒЫН ФУТБОЛ ЖАТТЫҒУЛАРЫ АРҚЫЛЫ ЖЕТІЛДІРУ

Abstract

Мақалада 13-15 жастағы мектеп оқушыларының төзімділігі мен жылдамдығын футбол жаттығулары арқылы жетілдірудің ғылыми-әдістемелік негіздері қарастырылды. Зерттеу барысында жасөспірімдердің дене дайындығын анықтауға арналған тесттік бақылау жүйесі қолданылды. Сонымен қатар футбол элементтеріне негізделген интервалдық жаттығулар, ойын технологиялары және сатылы жүктеме әдістерінің тиімділігі талданды. Педагогикалық эксперимент нәтижесінде оқушылардың жүгіру жылдамдығы, қозғалыс координациясы және жалпы төзімділік көрсеткіштерінің айтарлықтай жақсарғаны анықталды. Зерттеу қорытындысы футбол жаттығуларын ғылыми негізде ұйымдастыру мектеп оқушыларының дене қасиеттерін дамытуда тиімді құрал екенін көрсетті. Зерттеудің мақсаты – футбол жаттығулары арқылы 13–15 жастағы оқушылардың төзімділігі мен жылдамдық қасиеттерін дамыту ерекшеліктерін анықтап, ұсынылған жаттығулар кешенінің тиімділігін педагогикалық эксперимент арқылы дәлелдеу. Зерттеу барысында теориялық талдау, педагогикалық бақылау, эксперимент, сауалнама және статистикалық өңдеу әдістері қолданылды. Жұмыстың теориялық бөлімінде 13–15 жас аралығындағы жасөспірімдердің анатомиялық-физиологиялық ерекшеліктері талданды. Бұл кезеңде жүрек-қантамыр, тыныс алу және жүйке-бұлшықет жүйелерінің белсенді дамуы төзімділік пен жылдамдықты қалыптастыруға қолайлы жағдай жасайтыны анықталды. Сонымен қатар футбол жаттығуларының қозғалыс белсенділігін арттырып, оқушылардың функционалдық мүмкіндіктерін кешенді дамытуға ықпал ететіні негізделді.