Қазақ балалар әдебиетінің ұрпақ тәрбиелеудегі үлесі

Abstract

Мақалада мектепке дейінгі тәрбиенің маңыздылығы Қазақстан Республикасы Үкіметінің 2021 жылғы №137 қаулысына сүйене отырып қарастырылады. Баланы ерте жастан тәрбиелеуде отбасы мен мектепке дейінгі ұйымның өзара ықпалдастығы, әсіресе отбасында кітап оқу мәдениетін қалыптастырудың рөлі айқындалады. Балалар әдебиетінің тілдік, көркемдік, психологиялық ерекшеліктері жан–жақты талданып, оның баланың ой–өрісін, қиялын, адамгершілік қасиеттерін дамытудағы маңызы көрсетіледі. Сонымен қатар қазақ балалар әдебиетінің ауыз әдебиетімен, халықтық педагогикамен байланысы, бесік жыры, санамақ, жаңылтпаш, жұмбақ сияқты жанрлардың тәрбиелік қызметі нақты мысалдар арқылы дәлелденеді. Мақала балалар әдебиетінің келешек ұрпақтың рухани және мәдени дамуын қалыптастырудағы негізгі құрал екендігін тұжырымдайды.