"Қазақстан құтты мекен" бағдарламасы аясында тыңдалым дағдысын қалыптастырудың жолдары

Abstract

Тіл үйреніп жатқан оқушыларға тыңдалымды меңгерту арқылы тілдік қарым–қатынасқа түсу мүмкіндігін дамытып, ынтасы мен қызығушылығын, белсенділігін арттыруға, тілге деген ынтасын дамытуға болады. Бастысы тіл үйреніп жатқан шәкірттердің тыңдалған ақпаратты қабылдауы, мәтін мазмұнының ақпараттылығы мен құрлымына, сонымен қатар мәтіннің көлемі мен айтылу уақытына байланысты болады. Мәтін мазмұны түсінікті болуы керек. Берілген тыңдалым мәтініндегі таныс емес сөздердің саны тым аз болғаны дұрыс. Мәтіндегі айтылған ойды меңгеруге тырысады. Ол үшін оқушының сөздік қорына назар аудару керек. Күнделікті өткен сөздерді қайталап отыру оң нәтиже береді. Тыңдалым дағдысын меңгертумен қатар оны бақылап, бағалап зер салып отырсақ, жұмысымыздың оң нәтижесін толық қамды көре аламыз.