Ыбырай Алтынсарин шығармаларын оқытуда адамгершілікке тәрбиелеу

Abstract

Бұл мақалада Ыбырай Алтынсариннің педагогикалық мұрасындағы гуманистік құндылықтар жан–жақты талданады. Ағартушының оқу–ағарту саласындағы қызметі, мектеп ұйымдастыруы, оқулық жазуы мен балаларға арналған көркем шығармалары арқылы гуманистік тәрбиенің негізгі қағидалары айқындалады. Зерттеуде Алтынсариннің баланың тұлғасын құрметтеу, зорлықсыз тәрбие беру, мейірім мен адамгершілікке баулу, еңбек тәрбиесін қалыптастыру, оқыту мен тәрбиенің бірлігін сақтау сияқты идеялары қарастырылады. Сонымен қатар мұғалім тұлғасының тәрбиедегі рөлі, ұстаз бен оқушы арасындағы өзара сыйластықтың маңызы ашып көрсетіледі. Мақалада Алтынсарин шығармаларын қазақ тілі мен әдебиеті сабақтарында қолдану арқылы оқушылардың сыни және эмоционалды ойлауын, рухани–адамгершілік қасиеттерін дамыту мүмкіндіктері негізделеді. Зерттеу нәтижелері Ыбырай Алтынсариннің гуманистік педагогикалық көзқарастары қазіргі білім беру жүйесі үшін де өзекті екенін дәлелдейді.